नाझीपासून..... अयोध्येपर्यंत

रात्रीच्या अंधारात पिंगा घालणाऱ्या भेसूर ओळी

दिसेनाश्या झाल्या आहेत

दिवसाच्या लख्ख तापदायी उजेडात

मरून पडलेल्या आशाआकांक्षाच्या प्रेताने

भरून उरला आहे अवघा शवागर

माणसं एकमेकांना तुडवत आहेत

या विनाशकारी शहरात

माझ्यापुरते मेणबत्तीचे युद्ध

झाले आहे सपशेल अपयशी

सुरुंगाचे अनाठायी आवाज

घुमत आहेत कानात

नाझीपासून..... अयोध्येपर्यंत

वंदना महाजन